Betasuchus

iBetasuchus

Timäd fösilik: fin Kretata

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Superfamilia:	?Abelisauroidea
Genus:	Betasuchus von Huene, 1932
Species:	B. bredai

Telnem

Betasuchus bredai
(Seeley, 1883)

Synonyms

Megalosaurus bredai Seeley, 1883

Elaf Betasuchus äbinon dinosaur grupa: Theropoda, kel älifon finü Kretata. Fösils ona pätuvons in Nedän e päbepenons primo as bid nulik elafa Megalosaurus (ün 1883). Fösils pädönubepenons fa hiel Friedrich von Huene ün 1926, kel äjonom, das dutons no lü el Megalosaurus, ab lü el genus distik (el Megalosaurus äbinon finü tumyel 19id e primü tumyel 20id „defalabäset“, kö dinosaurs mitifidöl mödik - röletafs u no - päkobiopladons). El Huene äkredom, das fösils äbinons balafa dinosauras grupa: Ornithomimosauria, ed ägivom ones nemi no laidüpik: „Ornithomimidorum genus b“. El Huene äkipedom nemi at jüs ävotanemom oni ün 1932 ad Betasuchus (siämü: „B-krokod“). El Betasuchus pasevon te stabü lögabom (el femur) bal no lölöfik, klu tefs onik ko els Theropoda votik fikulons ad pafümetön. Dilets brefabüik anik ämobons, das äbinon limaf smalik grupa: Abelisauria.

Literat redakön

Seeley. 188). On the dinosaurs from the Maastricht beds. Q. J. Geol. Soc. London, toum: 39, pads: 246-253.
Huene. 1932. Die fossile Reptil-Ordnung Saurischia, ihre Entwicklung und Geschichte. Monogr. Geol. Palaeontol. (Dils I e II, Sök. I) toum: 4, pads: 1-361.

Yüms plödik redakön

Nüns dö el Betasuchus se bevüresodatopäd: DinoRuss.
Nüns dö el Betasuchus se bevüresodatopäd: The Theropod Database.