Vilags Fransänik pedistüköls dü Volakrig Balid

Seks Volakriga Balid äbinons vemo negöniks pro Fransän. Pato pos Komip nilü Verdun ün 1916, vilags zül ziläka: Meuse pädistukons lölöfiko. Ad mebön jenetis at, ab i kodü dabin boumas no nog pesplodölas e kodü stad pebadüköl gluna, mäls vilagas zül at neai pedönubumons. Pos fin kriga, pesludos ye ad no läükön onis ad komots votik ad dakipön memi tefü ons. Paguvons ün atim fa konsälanef labü limans kil, kels pacälons fa guvan ziläka: Meuse.

Platäd jonöl vilagi pedistuköl: Fleury-devant-Douaumont.

Platäd jonöl topami jula vilaga pedistuköl: Fleury-devant-Douaumont.

Failots glüga vilaga: Ornes, anu ninü fot di Verdun.

Lised vilagas pedistuköl ä no pedönubumölas

• Beaumont-en-Verdunois (belödans 186 ün 1911, noniks sis 1918).
• Bezonvaux (belödans 149 ün 1911, noniks sis 1918).
• Cumières-le-Mort-Homme (belödans 205 ün 1911; 3 ün 1921; 1 ün 1990).
• Fleury-devant-Douaumont nilü Mebamal ela Verdun (belödanis 422 ün 1911; 12 ün 1921; 5 ün 1990).

  Ün 1917, komot: Fleury-sur-Orne (in topäd: Calvados), jünu labü nem: Allemagne, äsludon ad votanemön oki, ad mebön dabini vilaga pedistuköl at.

• Haumont-près-Samogneux (belödans 131 ün 1911, 5 ün 1921, noniks ün 1990).
• Louvemont-Côte-du-Poivre (belödans 183 ün 1911, noniks sis fin kriga).

Lised vilagas pedistuköl ä dilo pedönubumölas

• Douaumont (belödans 288 ün 1911; 38 ün 1921; 10 ün 1990).
• Ornes (belödans 718 ün 1911, 23 ün 1921, 10 ün 1990).
• Vaux-devant-Damloup pedönubumon lölöfiko.