Püks slavik

Püks slavik binons tuig gretik famüla pükas lindoyuropik, paspiköl ledino in Yurop lofüdik fa mens za 300 balions.

Kaed nutimik pükas slavik

Donadiläd

Püks slavik valemo padonadilons ini tuigs kil:

• Püks lofüdaslavik
  • Rusänapük (145 balions)
  • Lukrayänapük (47 balions)
  • Vieta⸗Rusänapük (8 balions)
  • ruten (0,8 balion)

• Püks vesüdaslavik
  • Grup lehitik
    • Polänapük (40 balions)
    • Jlesänapük (56 mils)
    • kasub (50 mils)
    • polab (efedealöl)
  • Grup tsyegoslovakik
    • tsyeg (12 balions)
    • slovak (6 balions)
  • Grup särbyovik
    • löpasärbyov (55 mils)
    • donasärbyov (14 mils)

• Püks sulüdaslavik
  • Grup vesüdik
    • Särbänapük (10 balions)
    • Kroasänapük (6,2 balions)
    • Bosnänapük (4 balions)
    • sloven (2 balions)
  • Grup lofüdik
    • bulgar (9 balions)
    • makedon (2 balions)
    • vönaglügaslav (efedealöl, pageböl leteiko in yumeds relik)

Dabinons i püks mekavik, kels pastabons su püks slavik. Valaslavanetimans ün tumyel 19^id äkredons, das valik püks slavik jenöfo äbinons dialegs püka valaslavik balika. Mobs omsik suvo pästabons su vönaglügaslav. I latikumo esteifüloy ad jafön püki suemovik pro slavans valik, as sam bevüslav.