Carnotaurus
| iCarnotaurus | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Magod elafa Carnotaurus sastrei.
| ||||||||||||||||||||||||
|
Edadeadöl (fösil)
| ||||||||||||||||||||||||
| Dadiläd nolavik | ||||||||||||||||||||||||
| ||||||||||||||||||||||||
| Carnotaurus sastrei Bonaparte, 1985 |
Elaf Carnotaurus (sinif: „taur mitifidöl“) äbinom dinosaur mitifidöl gretik labü hons boso sümiks ad uts taura.
El Carnotaurus älifon in Patagonän (Largäntän) dü period: Maastrichtian, ün fin Kretata. Pätüvon fa hiel José F. Bonaparte, kel etüvon dinosauris bisarik votik in Sulüda-Merop.[1]
Bepenam redakön
.png)
Elaf Carnotaurus äduton lü grup: Theropoda ed älabon gretoti zänedik (lunotü mets za 9, geilotü mets za 3,5 jü hips, e vetotü touns za 1,7). Pats veütikün ela Carnotaurus binons hons bigik tel love logs, ed i föfalims mu smalikumöls labü doats fol.[2] Älabon krani smalik, blöti bigik, e göbi pülik. Logs ela Carnotaurus älogons föfio, kelos binon nekösömik pö dinosaurs e tikodükon, das älabon logami verätiko tellogiki ed äkanon senön dibäli.
Bomem ti lölöfik bal pebepenon (keninükamü skinadepedots ve flan detik ti lölik, kels jonons, das el Carnotaurus änelabon plümis, distü elafs Theropoda famüla: Coelurosauria evolfölums (reidolös i padi: dinosaurs plümilabik). Plao, skin labon kedis bölas, kels gretikons lüodü bäkabom.
Bid patedik: Carnotaurus sastrei binon bid sevädik teik. Röletafs nilöfikün binons elaf Aucasaurus (se Largäntän), el Majungatholus (se Madagaskareän), ed elaf Rajasaurus (se Lindän). Kobü ods, dinosaurs at fomons lufamüli Carnotaurinae famüla Abelisauridae. Bevü els Carnotaurinae, röletaf nilöfikün ela Carnotaurus binon el Aucasaurus (telafs fomons tribüti: Carnotaurini).
In kuliv pöpedik redakön
Sis degyel: 1990, el Carnotaurus pejonon lunomiko in kuliv pöpedik. Bal roulas veütik balid ona äbinon sökod yela: 1995 lekoneda: Jurassic Park: el The Lost World (Vol Peperöl) hiela Michael Crichton. In lekoned at, el Carnotaurus päbepenon as laböl (äs kameleon) fägi ad votükön köli omik ad nelogädikön in pödaglun[3] - kelos no veräton. Do no äkompenon ün 1997 pö filmot stabü lekoned at, el Carnotaurus päjonon in nünömapleds anik stabü el Jurassic Park. El Carnotaurus äkompenon brefüpo pö filmot: Dinosaur Valley Girls (Jipuls Dinosaurafälida). In filmot votik: Dinosaur (Walt Disney), dinosaurs tel bida at ätatakons grupi gretik dinosauras planifidöl. Els Carnotauri filmota at äbinons gretikums ka nim jenöfik: ma gretot äsümons ad el Tyrannosaurus. El Carnotaurus jenöfik äbinon smalikum ka elaf Iguanodon: dinosaur veütikün filmota at.[4] El Carnotaurus älabon rouli i pö filmot lulid sökoda: Land Before Time (Län bü Tim): ätatakon e tio ädeidon dinosauris yunik lul. Ävunon elis Tyrannosauri tel, ab änoyon in sean.
Plä uts stabü el Jurassic Park, el Carnotaurus ekompenon pö nünömapleds anik votik, a. s. el Dino Stalker ela Capcom (in grup elafas Carnotauri padeidons fa el Tyrannosaurus bal). El Carnotaurus pajonon id in el Zoo Tycoon 2: Dino Danger Pack. I pö däsinotapenäd bevüresodik: Parry e Carney ([1]) el Carnotaurus labon rouli veütikün. In legad: Disney's Animal Kingdom (Regän Nimik ela Disney), Disney Park, Disney World, Disneyland, Tutans, kels visitons eli "Dinosaur" (su filmot ela Disney pestaböl), patädons fa mekavanim: Carnotaurus.
Literat redakön
- ↑ Bonaparte, J. F. 1985. A horned Cretaceous carnosaur from Patagonia. National Geographic Research, nüm: 1, pads: 149-151.
- ↑ Bonaparte, Novas e Coria. 1990. Carnotaurus sastrei Bonaparte, the horned, lightly built carnosaur from the Middle Cretaceous of Patagonia. Contributions in Science (Natural History Museum of Los Angeles County), toum: 416, pads 41.
- ↑ Crichton, Michael. 1995. The Lost World. Ballantine Books. Pads 416. ISBN 0-679-41946-2.
- ↑ Leighton, Eric, e Ralph Zondag (dilekans). 2000-5-19. Dinosaur (filmota). Tats-Pebalöl: Walt Disney Pictures.
- Bonaparte (1991). "The Gondwanian theropod families Abelisauridae and Noasauridae." Historical Biology. An International Journal of Paleobiology, 5: 1-25.
- Lamanna, Martinez, and Smith (2002). "A definitive abelisaurid theropod dinosaur from the early Late Cretaceous of Patagonia." Journal of Vertebrate Paleontology, 22: 58–69.
Yüms plödik redakön
In Spanyänapük: